Seguimos coas actividades da Casa das Insuas co Taller de vimbio vivo en maceta, impartido pola cesteira Idoia Cuesta. Será o día 26 de febreiro, de 10:30 a 14:00.

Utilizando as varas da poda que fixemos a fin de semana pasada, cada un dos participantes fará a súa propia estrutura de vimbio. O alumno levará para casa unha maceta coa súa creación. Traede, se tedes, tesoiras de poda.

Inscricións en www.custodiadoterritorio.org/actividades. Máis información en custodiadoterritorio@gmail.com ou no 620-59.38.92

Esta actividade inclúese dentro do convenio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte e na Reserva da Biosfera de Terras do Miño.