Os domingos 12 e 19 de decembro, de 10:30 a 14:30, convidámosvos a participar na ruta de sendeirismo sobre os Endemismos do centro de Galicia: visita ás serpentinas da serra do Careón, evento realizado co apoio da Deputación da Coruña.

A nosa entidade conseguiu nos últimos anos un bo número de parcelas para a  conservación das diferentes especies endémicas do centro de Galicia asociadas ás  serpentinas da serra do Careón, tanto arrendadas ó Banco de Terras de Galicia como  compradas. Este é un proxecto de moito calado, no que estamos invertindo grandes esforzos debido á súa complexidade, pero que suporá un enorme  beneficio para a conservación dos microendemismos asociados ás serpentinas do  centro de Galicia.

Podedes inscribirvos a través da nosa páxina web (www.custodiadoterritorio.org/actividades) e obter información en custodiadoterrirtorio@gmail.com ou no 630-94.82.93 (teléfono ou WhatsApp).

Tras o proceso de inscrición indicarémosvos as medidas que se levarán a cabo para evitar contaxios do coronavirus e o punto de reunión para que toda a actividade se desenvolva dun modo seguro e agradable para todos.