O vindeiro 12 de febreiro desde a Casa das Insuas, estaremos outra vez En Pé de Terra,  cunha actividade de voluntariado para podar e tallar vimbio para cestería no Prado da Ponte (Rábade, Lugo), coa colaboración da artesá cesteira Idoia Cuesta. O horario será de 10:30 h. a 14:00 h.

Inscricións en www.custodiadoterritorio.org/actividades. Máis información en custodiadoterritorio@gmail.com ou no 620-59.38.92

Colabora, aprende e leva material para replantar.

*Recoméndase traer roupa e calzado de traballo para o campo, adaptado a meteoroloxía, e, se tedes, tamén material de poda.

Esta actividade inclúese dentro do convenio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte.